browser icon
You are using an insecure version of your web browser. Please update your browser!
Using an outdated browser makes your computer unsafe. For a safer, faster, more enjoyable user experience, please update your browser today or try a newer browser.

Holiday in Cambodia

Posted by on 19/06/2009

 

IMG_0096.jpg

Við höfðum ákaflega ferðamannalegan dag áður en í djúpu laugina var farið.  Við fórum í fína tælenska lest upp að fínni tælenskri á og svo með bát upp ánna að skoða musteri og slíkt.  Tælendingar eiga fullt af flottu grjóti, gott hjá þeim.  Við spókuðum okkur svo í mjög Dos mil siete malla en það gerum við líka stundum heima svo okkur fór að leiðast og bara heim á hótel.  Þar var tekið mjög skynsamt kvöld við ritstörf og smá Snookah en svo snemma í háttinn því við þurfum að vera tip top fyrir morgundaginn.  Eftir hóteluppgjör var svo brunað upp á flugvöll og við iðuðum í skinninu við tilhugsunina að berja Khmeraveldi augum.  Við ræddum mikið það litla sem við vissum um Kambódíu, báðir höfðu séð Killing Fields og Óli átti einu sinni Dead Kennedy’s bol með kambódískri mynd.  Þar mátti sé reiðan Khmera með stól að fara að berja annan bundinn khmera sem var með ritvél um hálsinn.  En þetta var á tímum VG-væðingar innfæddra og verður því að teljast sem óheppilegt hliðarspor.  Kambódía væri þó örugglega hreinni en Azerbajan og fólkið vingjarnlegra en Úkraínubúar svo þetta lagðist bara vel í okkur.  Svo var flugvöllurinn í Bangkok ennþá æði og Baldi fullyrti að ef hann yrði landleysingi og öreigi vegna Icesave þá myndi hann fljúga hingað, kveikja í vegabréfinu sínu og lifa í vellystingum á betli á þessum geggjaða flugvelli.  Betra að vera hamingjusamur öreigi í þessu flugvallar-shangri la en skuldaþræll á VG væddu Íslandi.  Óli var sammála og bætti við að hér var ólíklegra að verða fórnarlamb stólabarninga eins og sjálfsagt verður á rauðmussuvæddu VG-Íslandi sem allt stefnir í.  Þar sem við ræddum framtíð Íslands læddist skáldagyðjan upp að okkur og úr varð lag:

Fljúgum burt (syngist hressilega við lagið Take on me með AHA)

Ísland ónýtt
bankadruslurnar stútuðu okkur
flytjum bara burt
helvítis fokking fokkur
finnum eitthvað nýtt
förum þangað þar sem okkur er hlýtt

fljúgum burt (langt í burt)
langt í burt (fljúgum burt)
heillangt burt
fokking langt burt

kreppa er frekar leim
en Íslendingar
eiga heima í osum þriðja heim
Siggi og Hreiðar verða eftir heima
Nam er stálið
Betre’n að bræða helvítis álið

(viðlag endurtekið)

 

IMG_0092.jpg
Á vappi við Wat

Flugvöllurinn í Phnom Penh var harla spartanskur, við stóðum með þykkan búnka af visa pappírum í höndunum fyrir framan her embættismanna en á endanum snérist þetta auðvitað um að ná 20 dollah af okkur hvítingjunum, flott mál og áfram þeir.  Leigubíllinn á hótelið var hinsvegar frekar þriðja heims og erfiður.  Leigubíll er líka kannski fulldjúpt í árina tekið því þetta var svona vagn sem var festur við mótorhjól og það harla máttlaust.  Khmerarnir stússast þó klárlega mikið og endalausar hjarðir mótorhjóla þjóta um göturnar.  Kannski er hjólað í vinnuna átakið í fullum gangi?  Engir pælir í svifryksmálum og troðningur eins og á skemmtistöðum á Íslandi.  Gegnum mótorhjólaþvögurnar sigla svo glænýjir Landcruiser jeppar til þess að undirstrika að kapítalisminn er hér við völd og ekki VG lengur.  Við ræddum hvað myndi gerast ef Lödusíkópatanum Habib yrði sleppt lausum hér á götunum en þessi þjóð er nóg þjóðarmorðuð í bili svo gott að sá geðsjúklingur er bara heima í Baku.  Það varð þó strax ljóst af götumynd Phnom Penh að velmegun er hér ekki almenn og umferðarsiðir bentu til þess að mannslífið sé heldur ekki hátt metið.  Við lentum þó á endanum á stórglæsilegu hótelinu þar sem okkur var tekið eins og nýlenduherrum.  Það var þó pínu vandræðalegt því við erum svo vel upp aldir að úr urðu hálfgerðar kurteisisskylmingar.  Þetta snýst þó sennilega um undirlægjuskap í von um dollah.  En við Sovíetvinirnir lítum á Khmerana sem bræður okkar í baráttunni og því að lágmarki sem jafningja.  þeir losuðu sig við sýna VG og af því getum við lært.

IMG_0079.jpg

Við skelltum okkur strax út í labbitúr niður að Mekong ánni.  Þetta varð þó snúið þar sem Khmerarnir hafa ekki týmt að splæsa í götulýsingu auk þess sem gangstéttin iðaði af lífi.  En Hey við þurfum að aðlaga okkur að nýju hlutverki okkar sem þriðja heims töffarar svo fram fram fylking.  Við ánna var borðað innfætt og svo pínu kokteill.  Innfæddur matur er þó talsvert óvenjulegur með leðurblökur og steiktar pöddur auk þess sem kanabis þykir fínt álegg á pizzur.  Eftir kokteilinn hoppuðum við upp í leigubílsígildi og brunum á mjög töff bar sem google hafði sagt okkur frá.  Á Heart of Darkness yfir malaríulyfjum urðum við svo skáldlegir enn eina ferðina og í kraðaki af fullum khmerum sömdum við lag:

Á Khmerabar (syngist við lagið Þú komst vi&et
h; hjartað á mér með Hjaltalín)

Á Khmerabar, ég djúsaði frá circa 2 til 7
og dópsalar, buðu kók og stuð og stundum mön
við drukkum kokteila
við drukkum kokteila
og þegar Heart of Darkness lokaði, út rúllaði ég
og ræddi málin við blindfullan Khmer
rauði Khmerinn var sammála mér
við hötum Frakka eins og vera ber

já við hötum Frakka, við hötum Frakka
og bandaríkjaher
já við hötum Frakka, við hötum Frakka
og bandaríkjaher

Eitt stóð þó upp úr þetta kvöldið.  Sæti Jaack hafði þótt sætur í Tælandi en hér í Kambó er maðurinn hreinlega ástarguð.  Hér þykir ákaflega fallegt að vera hvítur og sæti er ennþá alveg næpuhvítur og æði.  Ekki bara það heldur þykir óskaplega fallegt að vera með stórt nef og trjónan á sæta er jú ansi voldug.  Einn af aðdáendunum sagði meira segja á brotinni ensku að þetta væri flott nefaðgerð.  Svona fegurð gat bara ekki verið náttúruleg.  Þetta var allt gjörsamlega með ólíkindum og Khmerastelpur gjóuðu í sífellu augunum að hvíta ranastóra englinum og rembdust við að ná athygli hans.  Eftir stutta stund var sæti kominn með hóp af 5-6 heilluðum stúlkum og reitti af sér brandarana á meðan stelpurnar báru sitt dökka skinn við hvítu fallegu gærinu á Balda.  Óli talaði bara við barþjóninn á meðan enda alltof brúnn og ógeðslega skeggjaður sem þykir sko ekki sexy hér.  Á endanum þegar barinn lokaði var Baldi orðinn harla ölvaður enda búið að bjóða honum svo mikið í glas á meðan einmana óli borgaði búsið sitt sjálfur.  Já það er ekkert grín að ferðast með svona ógurlegu kyntrölli.  Kyntröllið sjálft segist þó tilbúið að skjóta hér rótum.

IMG_0097.jpg
Sæti Jaack

Næsti dagur var tekinn í mikið labb.  Sæti passaði sig þó á að sunblocka sig frá toppi til táar.  Borgin er þó óþægilegt til útiveru, grútskítug, torrötuð og full af betlandi börnum og uppáþrengjandi sölumönnum.  Við létum þetta ekki á okkur fá, fengum okkur smá khmerafæði og kokteil á nýlenduherrabar.  Við vildum þó vera hressir fyrir næsta dag svo við fórum heim á hótel, smá bjór á svölunum og svo heim í háttinn.  Þótt hótelið sé fínt eru nágrannarnir frekar gettó.  Við urðum vitni að þegar reið khmerakona kom askvaðandi út á svalir með 2 ketti í vatnsbala, báðir frekar háværir og æstir, og hennti þeim svo út af svölunum á 3ju hæð með miklum látum.  Kettirnir stóðu svo holdvotir og stjarfir á þaki circa 2 hæðum neðar og spáðu í hvað hefði farið úrskeðis.  Erfitt að vera kisi hér í Kambó.

IMG_0090.jpg
Khmerakisurnar

En nóg komið af Phnom Penh í bili og við ætlum í fínum lúxusbússi, eins og spámanninum er þóknanlegt, til Siem Reap að skoða hofin í Angkor Wat.  Siem Reap þýðist víst "Tæland sigrað" væri það ekki eins og Akureyri héti "Bretland Sigrað" eftir þorskastríðinu?

Leave a Reply

louboutin pas cher louboutin pas cher louboutin pas cher louboutin pas cher louboutin pas cher peuterey outlet online peuterey outlet online peuterey outlet online peuterey outlet online peuterey outlet online barbour pas cher barbour pas cher barbour pas cher barbour pas cher barbour pas cher woolrich outlet online woolrich outlet online woolrich outlet online woolrich outlet online woolrich outlet online parajumpers pas cher parajumpers pas cher parajumpers pas cher parajumpers pas cher parajumpers pas cher parajumpers pas cher stone island outlet stone island outlet stone island outlet stone island outlet stone island outlet stone island outlet moose knuckles outlet usb backpack outlet happiness outlet down jackets outlet cappotti italia outlet fjallraven outlet