Kraká
Við sváfum bara ágætlega í svefnvagninum það eru samt helvítis læti í þessum lestum, sérstaklega erfitt að hitta klósettið þegar lestin er komin á almennilega ferð og draslinu er bara dumpað á teinana, gaman að því.
Á lestarstöðinni í Kraká biðu okkar 6-7 hostelsölumenn og eftir smá þras tókum við bara eitthvað af handahófi, allir bjóða fría rútu beint á hostel sem er þægilegra en orð fá lýst. Klukkan var bara 6 en borgin var öll lifnuð við, fólk vaknar greinilega snemma í Póllandi, Hostelið bauð upp á ferðir til Auschwitz þ.a. við fórum bara beint þangað, 60km frá Kraká með rútu. Við vissum ekki alveg við hverju var að búast þarna en þetta var upplifun að sjá þetta.
Við gengum inn í gegnum “Arbeit macht frei” hliðið og stálumst til að elta leiðsögumenn sem við borguðum ekki fyrir, þetta er stórt safn og maður gengur inni í húsin sem fangar gistu í, það sem var ógeðfelltast voru stórar geymslur af hári, gleraugum, skóm, ferðatöskum o.sfrv, það var engu hennt. Auschwitz voru fyrst bara fangabúðir, fólk var tekið af lífi við “dauðavegginn”
eða hengt á gálgum sem voru víðs vegar, nasistar byrjuðu að gera tilraunir með gas og brennsluofna hér en þessir ofnar höfðu ekki undan. Þá var farið í að byggja Birkenau sem er 10x stærra en og miklu hrikalegri staður 3 km í burtu. Búðirnar voru hannaðar eingöngu til að drepa fólk í stórum stíl, lestarteinarnir fóru beint upp að 2 stórum húsum sem gátu tekið 2000 manns í senn í gasklefa og ofna. Þarna var Mengele líka að gera sínar tilraunir.
Á þessum stað voru c.a. 1.5 milljónir teknar af lífi, en SS menn sprengdu þessi 2 hús áður en þeir yfirgáfu staðinn, þ.a. þau eru bara rústir. Við hliðina á húsunum eru öskupittir og minnimerki um fólkið.
Kraká er mjög fín borg, með flottan miðbæ. Allir tala einhverja ensku á börum og veitingastöðum, það kemur manni á óvart hvað þessar borgir austanmegin eru líkar þeim vestri, þetta er allt að verða eins. Við tókum 1 daga bara í að jafna okkur á síðustu 5, það er nauðsynlegt að gera alls ekki neitt á nokkra daga fresti.
Fórum að spila pool á einhverjum bar og á endanum vorum við komnir í einvígi við 2 pólska gaura, Iceland v.s Poland, þetta voru frekar furðulegir tappar, sögðu Kurva í öðru hverju orði, sem þýðir “helvítis” og eftir að þeir heyrðu að við vorum frá Íslandi þá var aðalgrínið hjá þeim að segja “Bjork”, frekar þreytandi. Þeir unnu :(
Fiat Polski læstur með skeið :)
Tékkuðum á næsta bar við poolbar, þar var frekar undarlegt ástand því það voru 1-2 löggur hringsólandi í anddyrinu með vélbyssur, ok buffaður dyravörður er í lagi, en þetta er nú yfirdrifið, sennilega var eitthvað rán þarna fyrr um kvöldið. Gott ef þetta var ekki MP5 bara. Talandi um buff þá fórum við á neðanjarðarbar í einhverjum dýflissustíl og þar voru a.m.k. 6 slavabuff í hurðinni og 5 kúnnar, Vin Diesel lookið er greinilega að riðja sér rúms í Póllandi, þeim hundleiddist auðvitað og fóru þá að bera saman upphandleggsvöðva og húðflúr.
Borðuðum oft á útistöðum og aldrei séð annan eins vespu/geitunga faraldur, strákarnir voru svo klárir að panta sér bara fanta sem er í miklu uppáhaldi hjá flugunum, Blammo drekkur bara bjór, og vespur hafa engann áhuga :)
Við höldum áfram með skiltagrínið, hér er Kukur Y Snorra :) Við teljum að Kukur þýðir sjoppa eða ís.
Við ákváðum að taka næturlest til Budapest, svefnvagn kostar svipað og hostel og fínt að vera komin snemma í næstu borg. Oddur ákvað að fara til Osló að heimsækja vin sinn og taka það rólega í 1-2 vikur, hitta okkur svo aftur á Ítalíu, þ.a. það er bara Blammo og Snorrmann í Hungary!
12 Comments
Hnakkus
Það er ofar mínum skilningi hvernig læknar, vísindamenn, hermenn, stjórnmálamenn og fleiri dóu í þessum útrýmingabúðum….en þið þrír valsið út sprell lifandi! Vegir föður míns eru órannsakanlegir.
Snorri
hmm, hnakkus svona hluti ber ad taka alvarlega, ekki neitt til ad gera grin ad … tad var virkilega creepy ad vera tarna vitandi af teim atburdum sem attu ser stad , svo skamm skamm skamm.. vid vorum ad klara naesta blog (budapesti) tad verdur svakalegt.. budapest er best.. :):)
Hnakkus
Fyrirgefðu. Ég hefði ekki átt að grínast með þetta. Maður á auðvitað ekki að grínast um þetta við þá sem komust lifandi út úr þessum búðum. Slíkt er smekklaust. En skemmtið ykkur vel og bið að heilsa Bakkusi bróður…ég heyrði að hann væri með ykkur í för.
snorri
hehe ekkert mal var bara ad strida ter… ja bakkus er naest mikilvaegasti gudinn a eftir hnakkusi tad veist thu jafn vel og eg.
skal !
Hnakkus
Þar hittirði naglann á höfuðið minn dauðlegi vinur! Láttu mig líka vita ef þú hittir hann Skakkus bróðir….hef ekki heyrt í honum síðan á Hróarskeldu.
nem kollegium gep
eg aetla ad skalla allan heiminn elsku mamma
Sæmundur
Sæll frændi !
-Afar gaman að fylgjast með ferðum ykkar um framandi slóðir, einkum þar sem maður tók sitt “walk-about” á sama hátt 1976. Ég sé að eitthvað hefur okkur miðað áfram því þið virðist gista í rúmum og jafnvel borða af og til, en við sváfum yfirleitt á bekkjum í brautarstöðvum eða skemmtigörðum og borðuðum þriðja hvern dag, enda þurfti að fjármagna bjórinn.
Eitt gott ráð við klósettferðir á ruggu-lestum: finna handfestu fyrir aðra hendi upp við loft, hanga þar á annari hendi og festa annan fót einhversstaðar neðar og láta vaða,-þá eru töluverðar lýkur á að maður sóði sig sjálfan lítið út a.m.k. (Ég ferðaðist með lest í Danmörku í sumar og varð fyrir stórum vonbrygðum, enginn veltingur og það sem verra var -engir klefar. bara eins og að sitja í rútu á hraðbraut -fúlt !)
Varðandi vespur og útrýmingarbúðir þá tókum við upp aðferð Ísraelsmanna í þeirri baráttu, nefnilega að drepa þær allar í næsta nágrenni áður en maður settist til rólegheita – dálítið kostulegur svipur á áhorfendum á meðan á þessu stendur en aðferð Sharons og Hitlers svínvirkar.
Ég bíð spenntur eftir næsta punkti, en varið ykkur á “skakkusi” einkum ef ykkur ber til Grikklands, þar gæti farið fyrir ykkur eins og Ísfirska stírimanninum í Dúbai, en hann var dæmdur í fjóra mánuði í grjótið -sennilega bara fyrir hvað hann var vitlaus !
Hafið þið þeta sem æfintíralegast !, til þess er lífið.
Kveðja Sæmi.
Anonymous
Tvær myndir af Baldvini ???hvað er málið ég vill flerri og það sem fyrst. Leiðinlegt að nota alltaf sömumyndirnar fyrir svefninn. Kriddið nú smá upp hjá mér ástarlífið og gefið mér flerri myndir af prins fantasíuheimsins mins til að gera hann ögn blómlegri og villtari. ;)
JeyPí
´Við bíðum öll spennt eftir næsta bloggi, sem verður líklega annað hvort frá Búda eða Pest. Ekki láta líða svona langt á milli!!
JP
Anonymous
Sko, Snorri ég sagði þér í gær að þú ættir ekkert eftir að blögga í dag ;)
s
Snorri!!
af hverju komstu ekki í strípur áður en fórst??
:) :) :) :)
manstu hvað virkaði vel seinast? ;)
Snorri
Sael oll somul! Baldvin er ad hamast vid ad uploada myndum og setja inn nyjasta bloggid fra budapest.. vid bidjumst afsokunar a hvad tetta tok langan tima , tad er bara buid ad vera mikid ad gera og internetkaffihusin herna eru morg mjog skrytin.
Saemi takk fyrir skrifin tad var gaman ad heyra fra ter :) Eg vona ad ykkur lidi vel i Reykjavik og sendi Gudbjortu Lou batnadarkvedjur, hugsa mikid til ykkar.
JP ekki vera otolinmodur, vid lofum ad tad lidur ekki aftur svona langur timi a milli tess ad vid skrifum.
S :) stripur neiiiiiiiiiii…… solin ser bara um tetta.. natturulegar stripur.. tad er bara malid.. :)